[ برنامج ] : [برنامج LinkBack] حمل من اي موقع بدون ولا ثانية انتظار

[reeo-man]

اقتباس:
أغبى شىء في الدنيا الإنتظار الملل واللف والدوران

في الفترة الأخيرة انتشرت ظاهرة الراوبط "المحمية" المختصرة في مواضيع المنتديات على النت

ولذلك قررت أعمل شىء يسهل علي عملية التحميل


ولذلك برمجت برنامج أو إن صح القول اسكربت بسيط علشان أتخطى الموضوع ده

فكرته إن بمجرد ما أعمل كليك يمين على اللينك "المحمي" المختصر في الموضوع وأختار Copy Shortcut

البرنامج يتعامل معاه مباشرة وأتوماتيك يفتح لي الصفحة اللي المفروض أحمل منها

الفكرة حققتها فعلاً برمجياً وكانت فعالة لحد كبير وموفرة جداً للوقت

دي كانت مقدمة الموضوع اللي فات لما وضعت النسخة الأولى 1.0 من البرنامج

اللي سميته لينك باك LinkBack


في الإصدار الحالي 2.0 من البرنامج قمت بتطويره بشكل ملحوظ

البرنامج بمجرد ما تشغله هينزل في الـ System tray عبارة عن أيقونة كرة أرضية محوطة بسهم جنب الساعة





بس وكل ما عليك هو فقط نسخ الرابط عن طريق كليك يمين على اللينك المختصر في الموضوع

و أختار Copy Shortcut والبرنامج هيلتقطه ويحولك للصفحة المطلوبة





وده الوضع المعتاد من النسخة اللي فاتت الإصدار 1.0



دلوقتي وفي الإصدار الجديد 2.0 ممكن تختار مجموعة راوبط مرة واحدة وتنسخهم عادي جداً والبرنامج هيحولهم كلهم


حتى لو كانت الروابط محوطة بنصوص وكلام وصور

يعني لدرجة لو أنت زهقان والراوبط كتيرة جداً في الصفحة ممكن أول ما تدخل الصفحة المطلوبة تعمل

(Ctrl + A) للأختيار كل الصفحة ثم (Ctrl + C) لنسخها

والبرنامج عليه الباقي في استخلاص الراوبط


نجي بقى للخواص اللي بقدمها في الإصدارة 2.0


1. توقف البرنامج عن متابعة جلب الراوبط المختصرة اللي أنت ممكن تنسخها





2. تعيد طبعاً تفعيله مرة تانية





3. تعيد جلب آخر رابط أنت نسخته





4. البرنامج في الحقيقة في الوضع الافتراضي بيقوم بفتح رابط الصفحة المطلوب بالإضافة لنسخه ليك والجديد في النسخة 2.0 أنك تقدر تصدر الروابط المطلوبة بعد جلبها لملف نصي MyLinks.txt على الديسك توب (سطح المكتب)




افتراضياً خاصية فتح الرابط ونسخه بعد الجلب هي بس المفعلة

أما التصدير لملف نصي فغير مفعلة تقدر تفعلها وقت ما تشاء وتقدر تعطل أياً من الـ 3 خواص وقت ما تشاء


5. في حال أنك أخترت تعطيل خاصية فتح الرابط المطلوب بعد جلبه فالبرنامج هيعطي ليك تنويه وبتمام عملية الجلب ونسخ أو إضافة الرابط للملف MyLinks.txt





6. نزولاً على رغبة أحد الأخوة أضفت خاصية تشغيل البرنامج مع إقلاع الويندوز

افتراضياً الخاصية دي غير مفعلة تقدر تفعلها وقت ما تشاء




7. تخيل معايا الوضع التالي:

نفترض أن في صفحة في 20 رابط "محمي" مختصر

وللإنك زهقان ولثقتك في البرنامج نسخت كل الصفحة علشان البرنامج يجلب ليك الراوبط المطلوبة

ده معناه إن افتراضياً في 20 صفحة هتتفتح قدامك وده أمر صعب تخيله بسبب سرعة البرنامج في جلب الراوبط

لذلك أضفت في النسخة الجديدة 2.0 خاصية سميتها (Moderator mode (Links Hunter وظفيتها إنها:

تعطل مؤقتاً خاصية فتح الراوبط ونسخها

وتفعل خاصية التصدير للملف نصي Mylinks.txt


وبمجرد ما تنجز مهمتك وتعطل خاصية (Moderator mode (Links Hunter ترجع تاني لوضعك الإفتراضي اللي أنت ضبطت عليه البرنامج إذا كان تفعيل الـ 3 خواص أو خاصيتين بس أو خاصية واحدة من الـ 3


يعني خاصية (Moderator mode (Links Hunter وفرت نظرياً 3 خطوات كنت المفروض تعملهم كل مرة تحب تجلب الروابط دفعة واحدة



8. في دعم كامل للإسكربت أي موقع جديد غير مدعوم أو اقتراح لتطوير البرنامج أرجو مرسلتي وأعلامي بيه لكي يتم إضافته - إيميلي موجود في Support


9. وبالطبع About LinkBack فيها قائمة بكل المواقع المدعومة

10. وأخيرا Exit للخروج من البرنامج.

حالياً بيدعم 19 موقع

zmelody.com
foxmoviez.com
forexshare.net
forexbux.net
forexurl.net
forexurls.net
catchfile.net
looz.us
1tool.biz
zero10.us
zero12.info
viplinks.info
h-link.us
takemyfile.net
vpslionz.com
zagazigy.com
crazymuzic.net
takemyfile.net
3arabforest.com
anonym.to

أتمنى الحقيقة إن يعجبكم وتقدروا تستفيدوا بيه

أي اقتراح أو استفسار أو نقد أرحب بيه بصدر رحب


رابط التحميل من هنـا


dя isιaaм彡